ОРАЛ. ҚазАқпарат - Батыс Қазақстан облысында екі күнде 76 қару иесі әкімшілік жауапқа тартылды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, атыс қаруын қолданумен болатын қылмыстың алдын алу мақсатында өңірде 20-23 мамыр аралығында «Қару» жедел алдын алу шарасы өткізілуде.
Бастапқы екі күнде тұрғылықты мекен-жайы бойынша 1 694 қару иесі тексерілді.
Соның ішінде 76 қару иесі әкімшілік жауапкершілікке тартылды. Қару сақтау ережесін бұзғаны үшін 53 қару тәркіленді, соның 51-і тегіс ұңғылы қару болса, екеуі - газды тапанша. Барлығы 820 мыңнан астам теңге көлемінде айыппұл салынды.
Сонымен қатар тіркелмеген 1 электршокер, 1 тегіс ұңғылы, 1 ойық ұңғылы қару тәркіленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).