ОРАЛ. ҚазАқпарат - Кеше сағат 18.30 шамасында Орал-Подстепный жолы бойында Екінші саяжай аялдамасы тұсында «Volkswagen Crafter» автокөлігінің 1983 жылғы жүргізушісі қарсы бетке шығып кетіп, «Iveco» автокөлігімен соқтығысқан.
БҚО ішкі істер департаментінің баспасөз қызметінен түскен мәліметке қарағанда, соның салдарынан «Iveco» автокөлігінің 1977 жылғы жүргізушісі ауыр жарақат алып, облыстық ауруханаға жатқызылды.
Медициналық анықтамаға қарағанда, жүргізушілердің екеуі де ішімдік ішпеген. Қазіргі кезде сараптамалар тағайындалып, кінәлінің кім екендігі анықталу үстінде.
Куәгерлердің сөзіне қарағанда, қос шағын автобус жүргізушілер жағынан қатты соқтығысқан. Соның салдарынан сол мезетте жол кептелісі орын алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).