ОРАЛ. ҚазАқпарат - Бұдан бұрын ҚазАқпарат хабарлағанындай, Ақсай қаласында 10 қаңтар күні өз үйінде газдан иіс тиіп, көз жұмған 1979 жылғы әйелдің қазасына қатысты тергеу амалдары жүргізілуде, деп хабарлайды «ҚазАқпарат» ХАА тілшісі.
БҚО ішкі істер департаментінің баспасөз қызметінен түскен мәліметке қарағанда, аталған дерек ҚР ҚК 104-бабына сәйкес сотқа дейінгі тергеп-тексерудің бірыңғай тізіліміне тіркелді. Нақты шешім сот-медициналық сараптама қорытындысы белгілі болғаннан кейін шығарылмақ.
Марқұмның көршісінің сөзіне қарағанда, бір аулада екі үй қатар орналасқан. Сол күні «ОралГазАймақ» ЖШС мекемесінен екі қызметкер келіп, газ жүретін жолды тазалап кеткен. Оқиға содан кейін орын алған. Оны үйіне мектептен оралған марқұмның үлкен баласы хабарлаған.
Еске сала кетейік, сол мезгілде үйде болған әйелдің 2013 жылғы егіз ұлы мен қызын дәрігерлер арашалап қала алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).