ОРАЛ. ҚазАқпарат - Батыс Қазақстан облысында 23-25 тамыз аясында өтіп жатқан «Құқықтық тәртіп» жедел алдын алу шарасы аясында бір тәулікте 24 қылмыс ашылды, деп хабарлайды «ҚазАқпарат» тілшісі.
БҚО ішкі істер департаменті баспасөз қызметінен түскен мәліметке қарағанда, соның ішінде іздестірілуде жүрген екі күдікті құрықталды. Сонымен қатар «Құқықтық тәртіп» шарасының алғашқы күнінде 465 әкімшілік заңбұзушылық тіркелді. Соның ішінде 168 қоғамдық тәртіпті бұзушылық анықталды. Оған қоса 15 жүргізуші мас күйінде көлік руліне отырғаны, 35-і ұялы телефонды қолданғаны, 60-ы жылдамдықты арттырғаны, 20-сы қауіпсіздік белдігін тағынбағаны, бесеуі қарсы бетке шығып кеткені үшін жауапқа тартылды.
ҚР Көші-қон заңнамасын бұзғаны 20 әкімшілік хаттама толтырылып, қабылдап-тарату орнына 35 адам орналастырылды.
Аталмыш шара одан әрі жалғасуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).