ОРАЛ. ҚазАқпарат – Батыс Қазақстан облысында мал бағып жүріп, жоғалып кеткен бақташы табылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 19 желтоқсан күні Қаратөбе ауданы Аққозы ауылдық округіндегі Бесоба қыстағында болды.
Сағат 14.00-те 1966 жылғы бақташы мал бағуға кеткеннен оралмаған.
Кешкі сағат 21.20-дан бастап іздеу жұмыстары жүргізілді. №18 өрт сөндіру бөлімі мен аудандық ТЖ бөлімі қызметкерлерінің күшімен (5 адам, 1 техника) сағат 23.45-те бақташы табылып, туысқандарына табысталды. Ол медициналық көмекті қажетсінген жоқ.
БҚО ТЖ департаменті қыс кезінде тұрғындарға сақ болуды ескертеді.
Еске сала кетейік, бұдан бұрын өңірде қар аралас жаңбыр жауып, көктайғақ болатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).