ОРАЛ. ҚазАқпарат – Батыс Қазақстан облысында «Toyota Land Cruiser Prado» көлігі аударылып, жүргізуші ауруханаға жеткізілді, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Белгібековтің айтуынша, оқиға 8 сәуір күні сағат 06.30 шамасында Орал-Атырау жолында болды.
«Саят» автокемпингі тұсында Ақжайық ауданы Тайпақ ауылының 21 жастағы тұрғыны «Toyota Land Cruiser Prado» автокөлігінің руліне ие бола алмай, аударылып қалған.
Қазіргі мәлімет бойынша жүргізушінің оң жамбасы сынып, жабық мас-ми жарақатын алған, сондай-ақ миы шайқалып, шүйдесіне зақым келген. Ол Ақжайық аудандық ауруханасына жатқызылды.
Еске сала кетейік, бұдан бұрын Оралда «Мастер» дүкенінің өртенгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).