ОРАЛ. ҚазАқпарат – Батыс Қазақстан облысында республикалық тағы бір жолды су басып қалды, деп хабарлайды ҚазАқпарат тілшісі.
БҚО Төтенше жағдайлар департаментінің жедел штабынан мәлім еткеніндей, оқиға 3 сәуір күні кешкісін Теректі ауданында болды.
«Тасқын су республикалық маңызы бар Подстепный-Федоров жолының 11-шақырымында жол төсемінен (ені 60 метр, тереңдігі 5-10 см) асты. Осы тұста темірбетон құбыр болғанымен, ол еріген қар суын өткізуге үлгере алмауда. «ҚазАвтоЖол» ЖШС күшімен (12 қызметкер, 3 техника) жол шеті инертті материалдар, құм салынған қаптармен (700 дана) бекітілуде. Жол қозғалысына кедергі келтірілген жоқ. Кезекшілік ұйымдастырылды», деп хабарлады ведомстводан.
Еске сала кетейік, бұдан бұрын Батыс Қазақстанда 100-ге жуық тұрғын үйді су басқанын, тасқын су шайып кеткен соң бірнеше көлік жолы жабылғанын жазған болатынбыз.
Сондай-ақ БҚО-да 2 жүкті әйел су басқан аумақан тікұшақпен Оралға жеткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).