ОРАЛ. ҚазАқпарат – Батыс Қазақстан облысында Самара-Шымкент жолында көлік қозғалысы шектелді, деп хабарлайды ҚазАқпарат тілшісі.
«Қазавтожол» ЖШС БҚО филиалының мәліметі бойынша 18 наурыз күні жергілікті сағат 21.00-ден бастап ауа райының нашарлауына байланысты республикалық маңызы бар Самара-Шымкент (394-526 км, Жымпиты ауылынан Ақтөбе облысының шекарасына дейін) күре жолы жүк және қоғамдық көліктер үшін жабылды.
Жабылу себебі – көктайғақ, бұрқасын, жаңбыр.
Осыған орай БҚО ТЖ департаменті ескерту жарияланғанын хабарлады.
Еске сала кетейік, бұдан бұрын БҚО-да облыстық жолдарда да көлік қозғалысы шектелгенін, қар құрсауында қалған 20 адамның құтқарылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).