ОРАЛ. KAZINFORM – БҚО табиғатты қорғау прокурорының мас күйінде жүргені туралы әлеуметтік желіде бейнежазба тарады.
Қоғам белсендісі Айболат Бөкеновтің Facebok желісіндегі парақшасында жазбасына қарағанда, аталған прокурор өз-өзіне ие бола алмай қалған.
Бейнежазбада ер адамның көпқабатты үйдің артында шайқалақтап, әрең тұрғаны көрінеді.
БҚО прокуратурасы осы жарияланымға байланысты қызметтік тергеу жүргізіліп жатқанын жеткізді. Оның нәтижесі кейін хабарланады.
Еске сала кетейік, бұдан бұрын БҚО-да әдеп кодексі талаптарын бұзған прокуратура қызметкерінің жауапкершілікке тартылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).