ОРАЛ. ҚазАқпарат - Батыс Қазақстан облысында тұрғын мас күйінде «полицей көлігін» ұрлап кеткен, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, оқиға 23 қыркүйек күні Чапаев-Жалпақтал-Казталов жолы бойында болды.
Жол-көлік оқиғаларын болдырмау мақсатында орнатылған патрульдік автокөлік макеті бір түнде жоқ болып кеткен.
Жедел іздестіру іс-шаралары барысында 2 сағатқа жетпейтін уақыт ішінде 1981 жылғы ұры анықталып, ұсталды.
Ұрының макетті мас күйінде жымқырғаны белгілі болды.
Қазіргі кезде ҚР ҚК 188-бабы 1-бөлігіне (ұрлық) сәйкес сотқа дейінгі тергеу амалдары жүргізілуде.
Сондай-ақ осындай әрекетке мас күйінде барғаны үшін ҚР Әкімшілік құқықбұзушылық кодексі 608-бабына сәйкес хаттама толтырылды.
Еске сала кетейік, бұдан бұрын Оралда 3 жасар қыздың бесінші қабаттың терезесінен құлап кете жаздағанын, оны полиция қызметкері құтқарып қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).