ОРАЛ. ҚазАқпарат - Батыс Қазақстан облысында тұрғындардан қару сатып алуға ел бюджетінен 5 млн 041 мың теңге бөлінді, деп хабарлайды ҚазАқпарат тілшісі.
БҚО ішкі істер департаментінің баспасөз қызметінен түскен мәліметке қарағанда, ел аумағында тұрғындардан заңсыз сақталудағы атыс қаруын, оқ-дәрі мен жарылғыш заттарды сатып алу шарасы 10 сәуірде басталады.
Қаруды ерікті түрде тапсырған азаматтарға ақшалай сыйақы төленеді.
Сыйақы мөлшерін қару-жарақтың техникалық жай-күйіне қарай комиссия белгілейді.
Айта кетейік, өткен жылы бұл мақсатқа республика бюджетінен БҚО-ға 8 млн 040 мың теңге қаралып, тиісті шаралар атқарылған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).