ОРАЛ. KAZINFORM - Батыс Қазақстан облысында Жайық өзенінің деңгейі Ақжайық ауданы Тайпақ гидробекетінде 805 сантиметрге жетті.
«Қазгидромет» РМК БҚО филиалының 3 мамыр күнгі таңғы сағат 08.00-дегі мәліметі бойынша аталған ауылда су деңгейі бір тәулікте 55 сантиметрге жоғарылады.
Есесіне өзен бойындағы басқа гидробекеттерде су деңгейі түсіп жатыр. Атап айтқанда, Бәйтерек ауданы Январцев ауылы тұсында 6 (814 см, қауіпті шегі - 1 250 см), Орал қаласында 7 (806 см, 850 см), Көшімде 4 (823 см, 850 см) сантиметрге төмендеді.
Көшім каналында су деңгейі 813 (-3, қауіпті шегі - 800 см) сантиметрді көрсетті.
Ақжайық ауданының әкімі Мұрат Сердалин Жайық суы сай-саланы толтырып жатқанын, жалпы жағдайдың қалыпты екендігін жеткізді.
Еске сала кетейік, бұдан бұрын Батыс Қазақстанда су басқан жолдар қалай қалпына келтіріліп жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).