ОРАЛ. KAZINFORM – Батыс Қазақстан облысында Жайық өзеніндегі су деңгейі Тайпақ гидробекетінде 946 сантиметр болды.
«Қазгидромет» РМК БҚО филиалының 8 мамыр күнгі таңғы сағат 08.00-дегі мәліметіне қарағанда, су деңгейі бір тәулікте небәрі 4 сантиметрге көтерілді.
Соның ішінде сағат 00.00-де 946 сантиметрді көрсеткен еді, яғни содан бері су деңгейі өзгерген жоқ.
Жайық өзеніндегі су деңгейі соңғы тәулікте Бәйтерек ауданы Январцев ауылы тұсында 7 (783 см), Орал қаласындағы гидробекетте 5 (779 см), Көшімде 6 (800 см) сантиметрге төмендеді.
Сондай-ақ Бәйтерек ауданы Көшім каналында да су деңгейі 2 (750 см) сантиметрге түсті.
Еске сала кетейік, бұдан бұрын Жайықтағы су деңгейі Тайпақ ауылы тұсында 940 сантиметрден асқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).