ОРАЛ. ҚазАқпарат - Батыс Қазақстан облысында жүк көлігі өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше Бәйтерек ауданында орын алды.
Сағат 19.51-де Самара-Орал күре жолы бойында Махамбет ауылы тұсында Lveco жүк көлігі 10 тонна жүгімен отқа оранды.
Автокөлік Қырғызстан Республикасында есепте тіркелген.
Өрт 20.37-де оқшауланып, 21.21-де сөндірілді.
«Тілсіз жауды» ауыздықтауға 5 адам, 2 техника жұмылдырылды.
Зардап шеккендер жоқ.
Еске сала кетейік, бұдан бұрын Оралда автокөлік жолаушылар автобусымен соқтығысып, екі адамның ауруханаға түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).