ОРАЛ. ҚазАқпарат - Батыс Қазақстан облысында жүргізуші автокөлігімен 63 жастағы әйелді қағып кетті, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, қайғылы оқиға 14 шілде күні сағат 10.00-де Бәйтерек ауданы аумағында болды.
«Орал-Кирсанов жолының 15-шақырымында 54 жастағы жүргізуші «ВАЗ-2114» автокөлігімен 1959 жылғы жаяу жүргіншіні қағып кетті. Жол апаты салдарынан әйел оқиға орнында көз жұмды. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде. Автокөлік арнайы тұраққа қойылды. Тиісті сараптамалар тағайындалды», деп хабарлады ведомстводан.
Еске сала кетейік, бұдан бұрын Оралда жол апатынан жүргізуші мерт болып, алты адамның ауруханаға түскенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).