АСТАНА. ҚазАқпарат – Үндістанның Нью-Дели қаласында бокстан әйелдер арасында өтіп жатқан әлем чемпионатында Аида Әбікеева жарыс жолынан шығып қалды, деп хабарлайды ҚазАқпарат тілшісі.
Астаналық Аида Әбікеева 63 келіге дейінгі салмақта қытайлық Ченьгю Янмен қолған түйістірді.
Бірінші раундта Аида нокдаун алып қалып, басымдылық қарсыласына берілді. Екінші, үшінші кезеңде де ештеңе өзгере қойған жоқ. Есеп – 5:0, қытайлық спортшының еншісінде.
Кешкі сессияда Қазақстаннан Римма Волосенко мен Надежда Рябец жекпе-жектерін өткізеді.
Әлемдік додада бақ сынаған 12 қазақстандық боксшының 9-ы жарысты жалғастыруда.
Еске сала кетейік, бұдан бұрын Мәдина Нұршаеваның ширек финалға өткенін жазған болатынбыз.
Сондай-ақ Жайна Шекербекова мен Валентина Хальзова ¼ финалға жолдама алды.
Бокстан әлем чемпионатында бүгін бес қазақстандық спортшының бақ сынайтыны хабарланды.
Алуа Балқыбекова ширек финалға шықты.
Карина Ибрагимова 1/8 финалға жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).