Бокстан әлем чемпионаты: Дулат Бекбауов ширек финалға өтті
АСТАНА. ҚазАқпарат – Ташкент қаласында бокстан ерлер арасында өтіп жатқан әлем чемпионатында қазақстандық Дулат Бекбауов ширек финалға өтті, деп хабарлайды ҚазАқпарат тілшісі.
Фото: instagram.com/boxingkazakhstan
Қазақстандық боксшы 67 келіге дейінгі салмақта 1/8 финалда үндістандық Акаш Сангванмен жұдырықтасты.
Бірінші раундта бес төрешінің үшеуі басымдықты үндістандыққа берді. Екінші кезеңде қапталдағы бес қазы түгелдей Дулатты басым деп тапты. Қорытынды есеп те солай болды – 5:0.
Осылайша, Дулат Бекбауов та ширек финалда бақ сынайтын болды.
Еске сала кетейік, бұдан бұрын бокстан ұлттық құрама капитаны Асланбек Шымбергеновтің ширек финалға шыққанын жазған едік.
Сондай-ақ Нұрбек Оралбай ширек финалға жолдама алды.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).