АСТАНА. KAZINFORM – Таиландтың Чиангмай қаласында бокстан ерлер мен әйелдер арасында өтіп жатқан Азия чемпионатында Наталья Богданова жеңіс тұғырына көтерілді.
Н.Богдановаға 70 келіге дейінгі салмақта шаршы алаңның иесі Байсон Маниконмен жұдырықтасуға тура келді.
Бірінші раундта төрешілер түгелдей Натальяның басымдылығын тіркеді. Екіншісінде есеп 3:2 болды. Дегенмен үшінші кезеңде қайтадан 5:0-ге өзгерді. Қорытынды есеп – 5:0, Н.Богданованың пайдасында.
Осылайша, Наталья Богданова Қазақстан құрамасына үшінші алтынды әперді.
Еске сала кетейік, бұдан бұрын бокстан Азия чемпионатында әйелдер арасында 5 қазақстандық алтынға таласатынын жазған болатынбыз.
Қазақстандық Виктория Графеева бокстан Азия чемпионы атанды.
Сондай-ақ бокстан Азия чемпионатында Аида Әбікеева алтын алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).