АСТАНА. ҚазАқпарат - Болгария астанасы София қаласында өтіп жатқан бокстан халықаралық «Странджа-2023» турнирінде 24 ақпанда қазақстандық 3 спортшы шаршы алаңға шығады, деп хабарлайды ҚазАқпарат тілшісі.
Жарыстың аталған сатысында Оразбек Асылқұлов (57 келі), Нұрқанат Райыс (75 келі) және Бекзад Нұрдәулетов (80 келі) шаршы алаңға шығады.
Олардың барлығы елорда уақытымен 22:00-де басталатын кешкі ссесияда жекпе-жектерін өткізеді.
Айта кетерлігі, барлығы өзбекстандық қарсыластарымен шеберлік байқасады.
Айта кетсек, Оразбек Асылқұлов Абдумалик Халоковпен, Нұрқанат Райыс (75 келі) Алохон Абдуллаевпен, Бекзад Нұрдәулетов (80 келі) Джасурбек Юлдошевпен шаршы алаңға шығады.
Еске салсақ, бұдан бұрын Оразбек Асылқұлов (57 келі) бразилиялық Луис Оливейраның осал тұсын тапса, Бекзад Нұрдәулетов (80 келі) сербиялық Артем Агеевті тізе бүктірді.
Ал Нұрқанат Райыс австралиялық Доминик Молинароны тізе бүктірді.
Аталған турнирге ел құрамасынан барлығы 13 боксшы барған еді.
Фото: Getty Images
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.