«Екібастұзтеплоэнерго» ЖШС хабарлауынша, ақау Момышұлы көшесі, 69 үйге қарай тартылған орамішілік жылу желісінде орын алған. Зақымданған құбырды жөндеуге бірнеше сағат қажет.
«Осыған байланысты 29 желтоқсан күні таңғы сағат 9.00-ден кешкі сағат 17.00 аралығында көшедегі көпқабатты тұрғын үйлерде жылу берілмейді. Нақтылай айтқанда, Момышұлы көшесіндегі 65, 67, 69, 71, 73, 79, 81, 83/13, 83а мекен-жайларында, Наурыз, 16, 160, Момышұлы, 66а, 71, 75а, 756, 79а жеке үйлерде, сондай-ақ Момышұлы 83/13, 85/12 заңды тұлғалар ғимараттарында жылу болмайды», - деп жазды ведомстводан.
Еске салайық, 28 желтоқсан күні де Екібастұз қаласындағы бірқатар жер үйге жылу беру тоқтатылған болатын.