ТАШКЕНТ. KAZINFORM — Сағат 21:12–де Ташкент қаласында және Өзбекстанның басқа аймақтарында екінші рет жер сілкінісі тіркелді, деп хабарлайды Kazinform агенттігінің Ташкенттегі меншікті тілшісі.
Бүгін түстен кейін эпицентрі Тәжікстанда болған жер сілкінісінен Өзбекстанның бірқатар облысында 2-3 балдық жерасты дүпмулері сезілді.
Республикалық сейсмологиялық мониторинг орталығының мәліметінше, кешке тіркелген екінші жер сілкінісінің ошағы Ауғанстанда орналасқан. Оның магнитудасы — 6 балл. Салдарынан Өзбекстанның 8 өңірі мен астанасында күші 3 балға дейін жететін жерасты дүмпулері сезілді.
Айта кетейік, Ауғанстандағы жер сілкінісінің дүмпуі Қазақстанда да сезілді.
Еске салайық, биыл Өзбекстан жер сілкінісін жасанды интеллект арқылы болжау тәжірибесін енгізеді.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.