АСТАНА. KAZINFORM - Алматылық «Қайрат» футбол клубының және Қазақстан жасөспірімдер құрамасының шабуылшысы Дастан Сәтпаев «Челси» командасына ауысуға жақын.
Англиядағы үздік командалардың бірі талантты футболшыға қатысты нақты шешім қабылдады. Енді алматылық және лондондық клуб арасында трансферге қатысты іс-шаралар басталады.
Дастан Сәтпаевтың жаңа клубқа ауысуы алдағы аптада болады деп жоспарланып отыр. Қазақстандық аяқдопшының жасы 18 жасқа толмауына байланысты қос тарап арасындағы келіссөздің қалай жүргізілетіні әзірге белгісіз.
Айта кетсек, Дастан желтоқсан айында лондондық клубта қаралымнан өткен болатын.
Еске сала кетейік, өзбекстандық футболшы Хусанов Манчестер-Ситиде ойнауы мүмкін.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.