Қазақстандық «Аят» футзал клубы бүгін футзалдан Чемпиондар лигасы негізгі сатысында екінші ойынында Португалияның «Спортинг» командасынан жеңілді, деп хабарлайды Kazinform.
Қазақстандық клуб бірінші топта Португалияның «Спортинг», Хорватияның «Олмиссум» және Украинаның «Хит» командаларымен ойнайды.
Бүгінгі кездесуде португалиялық клуб тәжірибелі ұжым екенін тағы бір мәрте дәлелдей білді.
Бірінші кезеңде олардың қатарынан Зики — 9, Жоао Матос — 10, Тайнан — 11, 18, 21, Алекс Мерлин — 15-минутта мергендік танытты.
Оған «Аят» сапынан Азат Валиуллин 12-минутта бір голмен жауап қайырды.
Осылайша олар қарсыласына 1:6 есебімен есе жіберді.
Енді рудныйлық ұжым 28 қазанда «Хит» клубымен кездеседі.
Айта кетсек, «Аят» бірінші кездесуінде хорватиялық «Олмиссумнан» жеңілді.
Дәл қазір футзалдан Чемпиондар лигасы негізгі сатысында алматылық екінші ойынында «Қайрат» Люксембургтің «Дюделанж» командасымен кездесіп жатыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.