Чемпиондар лигасы: Плей-офф сатысына шыққан командалар толық белгілі болды

Футболдан UEFA Чемпиондар лигасы топтық кезеңі мәресіне жетіп, плей-офф сатысына шыққан командалар толықтай анықталды, деп хабарлайды Kazinform.

Фото: Pixabay

13 желтоқсанда E, F, G, H топтарында бақ сынайтын командалар өзара кездесті.

Бұл күні Испанияның «Барселона» командасы сырт алаңда Бельгияның «Антверпен» клубына 2:3 есебімен есе жіберді.

Десе де бұрын олар плей-офф сатысына жолдама алып қойған еді.

E тобы: «Cелтик» (Шотландия) - «Фейенорд» (Нидерланд) 2:1, «Атлетико Мадрид» (Испания) - «Лацио» (Италия) 2:0

F тобы: «Ньюкасл Юнайтед» (Англия) - «Милан» (Италия) 1:2, «Боруссия Дортмунд» (Германия) - «Пари Сен-Жермен» (Франция) 1:1

G тобы: «РБ Лейпциг» (Германия) - «Янг Бойз» (Швейцария) 2:1, «Црвена Звезда» (Сербия) - «Манчестер Сити» (Англия) 2:3

H тобы: «Порту» (Португалия) - «Шахтер Донецк» (Украина) 5:3, «Антверпен» (Бельгия) - «Барселона» (Испания) 3:2 .

Аталған төрт топтан «Атлетико Мадрид», «Лацио», «Боруссия Дортмунд»,«Пари Сен-Жермен», «Манчестер Сити», «РБ Лейпциг», «Порту», «Барселона» плей-офф сатысына шықты.

Мұндай мүмкіндікке 12 желтоқсанда «Бавария», «Копенгаген», «Арсенал», ПСВ, «Реал Мадрид», «Наполи», «Реал Сосьедад», «Интер» клубтары қол жеткізді.

Үшінші орын алған командалар Еуропа лигасы плей-офф сатысына жолдама алды.