АСТАНА. KAZINFORM - Футболдан UEFA Чемпиондар лигасының жартылай финалындағы екінші ойында «Пари Сен-Жермен» (Франция) мен «Боруссия Дортмунд» (Германия) кездеседі.
Кездесу «Qazsport» телеарнасынан 7 мамыр 23:50-де да тікелей эфирде көрсетіледі.
Екі команда бұған дейін алты мәрте кездесті.
Оның біреуінде «Боруссия Дортмунд» басым түсіп, үшеуінде тең нәтиже тіркелсе, қалғанында «Пари Сен-Жермен» командасының мерейі үстем болды.
«Боруссия Дортмунд» командасы 1997 жылы Чемпиондар лигасында топ жарса, «Пари Сен-Жермен» әзірге мұндай жоғары жетістікке қол жеткізе алған жоқ.
Алғашқы кездесуде германиялық клуб 1:0 есебімен басым түскен еді.
Сондай-ақ, 8 мамырда «Бавария» мен «Реал Мадрид» кездеседі.
Олар алғашқы кездесуде 3:3 есебімен тең ойнады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.