АСТАНА. ҚазАқпарат - UEFA Чемпиондар лигасы 1/8 финалында 7 наурыздан 8-не қараған түні қарымта екі ойын өткізіледі, деп хабарлайды ҚазАқпарат тілшісі.
Екі ойынның бірінде Португалияның «Бенфика» және Бельгияның «Брюгге» командалары шеберлік байқасады.
Кездесу елорда уақытымен 1.50-де басталып, «Qazaqstan» телеарнасынан тікелей эфирде көрсетіледі.
Екі команда бұған дейін бір мәрте кездесті. Аталған кездесуде португалиялық футболшылар 2:0 есебімен басым түсті.
Сондай-ақ, тағы бір кездесуде Англияның «Челси» командасы өз алаңында Германияның «Боруссия Дортмунд» клубын қабылдайды.
Кездесу елорда уақытымен 1.50-де басталып, «Qazsport» телеарнасынан тікелей эфирде көрсетіледі.
Екі команда бұған дейін бір мәрте кездесті. Бұл ойында германиялық клубтың мерейі үстем болды.
Еске салсақ, бұдан бұрын Қазақстан құрамасының Еуропа чемпионаты іріктеу сатысындағы алдағы екі ойынына кеңейтілген тізімі жарияланды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.