АҚТӨБЕ. ҚазАқпарат - Соққыға жығылып, есеңгіреп қалған кәсіпкер қазір ауруханада жатыр. Оның миы шайқалған, деп хабарлайды ҚазАқпарат тілшісі.
«Науқас бізге 25 қыркүйек күні келіп түсті. Оған бас-ми жарақаты, бас ми шайқалуы диагнозы қойылды. Алған жарақаты орташа ауыр. Қазір ем алып жатыр. Көзінен де соққы алған. Көз дәрігер өз кеңесін беріп, жарақаттың зардапсыз жазылатыны туралы айтты», - деді облыстық жедел жәрдем ауруханасының дәрігері Нұрсұлтан Айтмурзин.
Еске салсақ, осы оқиғаға қатысты Қылмыстық кодекстің «Бұзақылық» бабы бойынша тергеу жүріп жатыр. Күдікті екі мемлекеттік қызметкер жұмыстан шығып кеткен.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.