АСТАНА. KAZINFORM – ММА (modern) түрі бойынша сынға түскен Қазақстан құрамасының өкілі Дарын Мұстафин Манама қаласында (Бахрейн) өтіп жатқан 2025 жылғы жасөспірімдер арасындағы Азия ойындарында ел қоржынына қола медаль салды.
70 келіге дейінгі салмақта сынға түскен отандасымсыз жартылай финалға дейін жетті.
Дарын бұл кезеңде Ибрагим Халидовпен (Бахрейн) күш сынасты. Жекпе-жек қорытындысы бойынша отандасымыз қарсыласына есе жіберіп, қола жүлдені қанағат тұтты.
Еске сала кетейік, бұған дейін Қазақстан жасөспірімдер арасындағы Азия ойындарында алғашқы алтын медалін жеңіп алғанын жазған едік.
Абылайхан Жұмашев
1993 жылы 15 қарашада Атырау облысы Индер ауданында дүниеге келген.
Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.