«Мен Қазақстанның Үкіметіне, Президент Тоқаев пен Денсаулық сақтау министрлігіне COVID-19 ықтимал жағдайларына қатысты ДДСҰ референс-зертханаларында тестілеу жүргізуге келісім бергені үшін алғысымды айтамын», - деп жазды Ханс Клюге Twitter парақшасында .
Айта кетсек бұған дейін Мемлекет басшысы Қасым-Жомарт Тоқаев Үкіметті пандемияның статистикасын біріздендіруді міндеттеген болатын. Бүгін Денсаулық сақтау министрі Алексей Цой Қазақстанда пневмониямен ауырғандар КВИ жұқтырғандардың статистикасына енгізілетінін жариялады. Осылайша COVID-19 бойынша жаңа статистика 1 тамыздан бастап жүргізіледі.