АСТАНА. KAZINFORM — Қазақстандық, әлемнің 184-ракеткасы Денис Евсеев Шэньчжэнь (Қытай) челленджер турнирінің екінші айналымына жолдама алды.
Денис бастапқы кездесуінде дүниежүзілік рейтингіде 401-сатыда тұрған түркиялық Алтуг Челикбилекті 3:6, 6:1, 6:4 есебімен жолдан тайдырды.
Сағат жарымға созылған кездесуде Евсеев 5 эйспен бірге 10 брейк-пойнттың алтауын мүлт жіберген жоқ. Челикбилек 9 эйс, 4 брейкпен (7 брейк-пойнт) ерекшеленді.
Денис Евсеев ширек финалға шығу үшін әлемнің 262-ракеткасы, аустралиялық Филип Секуличпен шеберлік таластырады.
Еске сала кетейік, бұдан бұрын Мадрид мастерс турнирінде Бублик пен Шевченконың кімдермен ойнайтынын жазған болатынбыз.
Сондай-ақ Юлия Путинцева Мадрид мастерс турнирінің екінші айналымына өтті.
Тимофей Скатов Чехиядағы турнирдің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).