АСТАНА. KAZINFORM — Қазақстандық теннисші, әлемнің 457-ракеткасы Денис Евсеев Брашов (Румыния) челленджер турнирі іріктеу сайысының финалына шықты.
Іріктеу сайысында 8-ракетка болып тіркелген қазақстандық спортшы бастапқы кездесуін румыниялық Ян Патрик Синескумен өткізді.
Қос партия да 6:3 есебімен Д.Евсеевтің пайдасына шешілді.
Бір сағаттан сәл астам уақытқа созылған бәсекеде Евсеев 9 брейк-пойнттың төртеуін өз есебіне жазды. Румыниялық спортшы 2 эйс, 1 брейкпен көзге түсті.
Денис Евсеев іріктеу сайысының финалында әлемнің 310-ракеткасы, жапониялық Акира Сантильянмен ойнайды. Оны жеңсе, негізгі жарысқа жолдама алады.
Еске сала кетейік, бұдан бұрын Елена Рыбакинаның әлемдік рейтингіде көш бастау мүмкіндігі туралы айтып бергенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).