Дэвис кубогы: Қазақстанмен матчта Монако алға шықты
АСТАНА. KAZINFORM — Астана қаласында Beeline Arena ұлттық теннис орталығында Дэвис кубогы Бірінші әлемдік тобы аясында өтіп жатқан Қазақстан мен Монако арасындағы плей-офф матчы жалғасын тапты.
Фото: Виктор Федюнин / Kazinform
Кортта Александр Бублик — Бейбіт Жұқаев жұптық сында Роман Арнеодо — Уго Ниспен шеберлік байқасты.
Фото: Виктор Федюнин / Kazinform
Тартысты өткен бәсекеде бірінші партияда тай-брейкте қазақстандық жұп басымдылық көрсетті — 7:6 (7:1).
Фото: Виктор Федюнин / Kazinform
Екіншісінде монаколық дуэт есе қайырды — 7:6 (8:6).
Фото: Виктор Федюнин / Kazinform
Үшінші, шешуші сетте монаколықтар жеңісті жұлып алды — 7:6 (7:5).
Ойын 2 сағат 52 минутқа созылды.
Фото: Виктор Федюнин / Kazinform
Осылайша, Монако құрамасы алға шықты — 2:1.
Фото: Виктор Федюнин / Kazinform
Сонымен қатар бүгін жекелей сында Александр Бублик — Валантен Вашро және Александр Шевченко — Уго Нис кездесулері жоспарланған.
Еске сала кетейік, бұдан бұрын Дэвис кубогында Александр Бубликтің қарсыласын айқын басымдылықпен ұтқанын жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).