Дэвис кубогының іріктеу турнирі: Қазақстан жасөспірімдер құрамасы ширек финалға жолдама алды
АСТАНА. KAZINFORM — Шымкент қаласында 16 жасқа дейінгілер арасында өтіп жатқан Дэвис кубогының Азия – Тынық мұхит аймағы бойынша іріктеу турнирінде Қазақстан жасөспірімдер құрамасы мерзімінен бұрын ширек финалға шықты.
Фото: Қазақстан теннис федерациясы
Қазақстандықтар D тобындағы екінші матчында Пәкістан құрамасын 3:0 есебімен жеңді.
Осы топта жарыс фавориттерінің бірі Оңтүстік Корея Түрікменстан құрамасын 3:0 есебімен тізе бүктірді.
Фото: Қазақстан теннис федерациясы
Сәрсенбі күні қазақстандық жасөспірімдер Оңтүстік Корея теннисшілерімен шеберлік байқасады. Егер жеңген жағдайда өз тобынан бірінші орынмен шығып, ширек финалда А немесе В тобында екінші сатыға орныққан командамен (Гонконг немесе Өзбекстан) кездеседі. Ал екінші орын алған жағдайда ¼ финалда фавориттер – Жапония немесе Аустралияның біріне тап болады.
Еске сала кетейік, бұдан бұрын Дэвис кубогының іріктеу турнирінде Қазақстан жасөспірімдер құрамасының алғашқы жеңісіне қол жеткізгенін жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).