НҰР-СҰЛТАН. ҚазАқпарат – Елордада теннистен Дэвис кубогы іріктеу кезеңінде Қазақстан – Нидерланды матчы жалғасуда, деп хабарлайды ҚазАқпарат тілшісі.
Бүгін кортқа алғашқы болып жұптық сында өнер көрсететін теннисшілер шықты.
Андрей Голубев пен Александр Недовесов өздеріне артылған үмітті ақтай білді.
Олар нидерландылық Жан-Жюльен мен Робин Хасені 6:3, 6:3 есебімен тізе бүктірді.
Бәсеке 1 сағат 9 минутқа созылды.
Осылайша Қазақстан құрамасы 2:1 есебімен алға шықты. Енді қазақстандықтарға Дэвис кубогының финалдық турниріне жолдама алу үшін бір жеңіс жетіп жатыр.
Қазіргі сәтте Александр Бублик пен Робин Хасе ойнауда.
Еске сала кетейік, бұдан бұрын Қазақстан алғашқы ойында есе жібергенін, Александр Бублик есепті теңестіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).