Димаш Құдайбергеннің DIMENSIONS жаңа шоуы аясындағы Мексикадағы екінші концерті Мексиканың солтүстік-шығысындағы Нуэво-Леон штатының әкімшілік орталығы әрі көлемі жөнінен үшінші қаласы саналатын Монтеррейде өтеді.
«Таулар сұлтаны» атанған қала тау жоталары қоршаған көркем аңғарда орналасқан. Бұл мегаполис — Мексиканың аса ірі өнеркәсіп және іскерлік орталығы.
Димаштың концерті Фундидора саябағының аумағында орналасқан Auditorio Banamex (Citibanamex) амфитеатрында өтеді. Бұл алаң — Монтеррейдің концерттер, гастрольдік бағдарламалар мен мәдени іс-шаралар өтетін жетекші мәдени нысандарының бірі саналады.
Осыған дейін Меридада Димаш Құдайбергеннің концерті қарсаңында Dears кездесу өткізгенін жазғанбыз.