АСТАНА. KAZINFORM — Қазақстандық теннисші Дмитрий Попко жұптық сында Ресифе (Бразилия) ITF турнирінің финалына жолдама алды.
Жарыстың 3-ракеткалары болып тіркелген қазақстандық теннисші мен бразилиялық Даниэль Дутра Да Сильва жартылай финалда америкалық Харрисон Адамс – франциялық Квентин Фольомен кортқа шықты.
Матч барысында қазақстандық-бразилиялық жұптың басымдылығы айқын байқалды – 6:3, 6:1.
Дмитрий Попко – Даниэль Дутра Да Сильва финалда доданың 2-ракеткалары, корт иелері Луис Бритто – Пауло Андре Сарайва Дос Сантоспен чемпиондық атақты сарапқа салады.
Д.Попко жекелей сында жартылай финалдық матчын тағы бір бразилиялық, рейтингіде 392-сатыдағы Матеуш Алвешпен өткізеді.
Еске сала кетейік, бұдан бұрын қатарынан 22 матчта жеңіске жеткен Дмитрий Попконың Бразилияда жартылай финалға өткенін жазған болатынбыз.
Юлия Путинцева Индиан-Уэллс турнирінің үшінші айналымына шықты.
Александр Бублик Индиан-Уэллс жарысының келесі айналымына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).