ОРАЛ. ҚазАқпарат – Допты хоккейден жоғары лига командалары арасында бүкілресейлік жарыста «Ақжайық» Уфада «Кировецпен» екінші ойынында тең түсті, деп хабарлайды ҚазАқпарат тілшісі.
Оралдықтар бұл кездесуде бірінші болып есеп ашты.
Бұрыштамадан берілген доптан кейін ресейлік легионер Сергей Башаев өз мүмкіндігін мүлт жібермеді.
Екінші таймда Алексей Севрюков пен Павел Дадановтың голдарынан соң айдын иелері алға шықты – 2:1. Дегенмен «Ақжайық» құрамындағы тағы бір ресейлік Максим Пахомов таразы басын теңестіре алды – 2:2.
Оралдықтар екінші топта төрт ұпаймен алтыншы орында келеді.
Николай Шавалдиннің шәкірттері келесі кездесулерін 24-25 желтоқсанда өз айдынында «Динамо-Қазан-2» командасымен өткізеді.
Еске сала кетейік, бұдан бұрын «Ақжайықтың» Уфада «Кировец» клубына есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).