ОРАЛ. ҚазАқпарат – Допты хоккейден жоғары лига командалары арасында Ресей чемпионатында өнер көрсететін Оралдың «Ақжайығы» «Никельщикті» (Верхний Уфалей) қабылдады, деп хабарлайды ҚазАқпарат тілшісі.
«Жастар» стадионындағы матч өте тартысты өтті. Бірінші таймда есеп тең болды – 3:3. Екінші кезеңде оралдық Николай Шавалдиннің шәкірттері жеңісті жұлып алды. Қорытынды есеп – 5:4.
«Ақжайықтың» сұрмергені, ресейлік Максим Пахомов хет-триктің авторы атанды. Тағы бір ресейлік Александр Слугин және Орал допты хоккейінің түлегі Болат Мұхит бір-бірден гол соқты. Қонақтардан Андрей Зеленин, Дмитрий Вахрушев, Егор Михеев, Климент Ныгматуллин көзге түсті.
Ертең қос команда екінші кездесуін өткізеді.
Осылайша, 18 ұпай жинаған «Ақжайық» өз тобында көш басына жақындай түсті.
Еске сала кетейік, бұдан бұрын «Ақжайықтың» қарсыласын ірі есеппен ұтқанын жазған болатынбыз.
Фото: «Ақжайық» СК
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).