ОРАЛ. ҚазАқпарат – Допты хоккейден жоғары лига командалары арасында Ресей чемпионатында Воткинскіде «Знамя-Удмуртия» Оралдың «Ақжайығын» қабылдады, деп хабарлайды ҚазАқпарат тілшісі.
Бірінші таймда айдын иелері 4:3 есебімен басым түсті.
Екінші кезеңде оралдықтар қарымта қайыра білді. Қорытынды есеп – 6:6.
Бұл ойында «Ақжайықтан» ресейлік легионерлер Максим Пахомов, Артем Лапшин және Александр Слугин екі-екіден гол соғып, көзге түсті.
Сенбі күні қос команда екінші кездесуін өткізеді.
Николай Шавалдин жаттықтыратын батысқазақстандық клуб үшінші топта 22 ұпаймен бұрынғыша төртінші орында келеді.
Еске сала кетейік, бұдан бұрын допты хоккейден «Ақжайықтың» қарсыласын ірі есеппен ұтқанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).