ОРАЛ. ҚазАқпарат - Допты хоккейден Красноярскіде жоғары лига командалары арасында бүкілресейлік жарыстың финалында «Ақжайық» «Волга-Черемшан» (Ульяновск) командасымен кездесті, деп хабарлайды ҚазАқпарат тілшісі.
Оралдық маман Николай Шавалдин жатттықтыратын батысқазақстандықтар қарсыласына 2:6 есебімен жол берді.
«Ақжайықтан» ресейлік легионер Сергей Башаев екі голдың авторы атанды.
Осылайша оралдықтар А тобында бес матч өткізіп, соның екеуінде жеңіске жетіп, алты ұпаймен төртінші орынға табан тіреді.
2021-2022 жылғы маусымда «Ақжайықтың» үшінші топта үздік үштікке ілігіп, финалдық сайыстарға жолдама алғанын табыс деп есептеуге болады.
Еске сала кетейік, бұдан бұрын «Ақжайықтың» «Кировец» командасына есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).