АСТАНА.KAZINFORM - Дзюдодан Қазақстан құрамасы Біріккен Араб Әмірлігінің Абу-Даби қаласында өтетін әлемдік Grand Slam кезеңіне қатысады.
Жаһандық дода 28-30 қараша күндері болады. Беделді бәсекеге әлемнің 53 елінен 401 спортшы келеді.
Ел құрамасынан бұл жарыста 14 татами шебері ел намысын қорғайды. Атап айтқанда, әйелдер құрамасында Әбиба Әбужақынова (48 келі), Бақыт Құсақбаева (57 келі), Эсмигүл Куюлова (63 келі) татамиде бақ сынайды.
Ал ерлерде Мағжан Шамшадин мен Аман Бақытжан (60 келі), Нұрқанат Серікбаев пен Ғұсман Қырғызбаев (66 келі), Есет Қуанов (73 келі), Азат Күмісбай мен Абылайхан Жұбаназар (81 келі), Ермахан Әнуарбеков (90 келі), Марат Байкамуров пен Нұрлыхан Шархан (100 келі), Еламан Ерғалиев (100 келіден жоғары) ел намысын қорғайды.
Еске салсақ, бұдан бұрын дзюдодан ел біріншілігінде аралас командалық сайыста жеңімпаз анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.