Дзюдошы Арман Мұса кадеттер арасындағы әлем чемпионатында қола медаль үшін белдеседі
19:09, 27 Тамыз 2025
АСТАНА. KAZINFORM – Болгарияның София қаласында дзюдодан кадеттер арасындағы әлем чемпионаты басталды.
Жарыстың алғашқы күнінде финалдық кезеңге қазақстандық Арман Мұса жолдама алды.
ҚР ҰОК мәліметінше, 50 келіге дейінгі салмақ дәрежесінің жартылай финалында дзюдошымыз өзбекстандық Хуснуд Султановқа есе жіберді.
Осылайша, Мұса қола медаль үшін белдеседі. Оның қарсыласы - венгриялық Милан Сабо.
Айта кетейік, грек-рим күресінен әлем чемпионатын Қазақстан құрамасы төрт медальмен аяқтады.