АСТАНА. KAZINFORM — Қазақстандық дзюдошы Асқар Біржанов Ташкентте (Өзбекстан) өтіп жатқан жасөспірімдер арасындағы әлем чемпионатында жеңіс тұғырына көтерілді.
Жерлесіміз 100 келіге дейінгі салмақта қола жүлде үшін өткен белдесуде Никита Юдановпен кездесті. Нәтижесінде Асқар Біржанов жеңіске жетіп, қола жүлдеге ие болды.
Осылайша, ол әлем чемпионатында Қазақстан құрамасының қоржынына алғашқы медальді салды.
Еске салайық, бұған дейін Асқар Біржанов дзюдодан жасөспірімдер арасында әлем чемпионатының қола жүлдесі үшін бақ сынайтынын жазған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.