АЛМАТЫ. ҚазАқпарат – Египеттің Александрия қаласында күрес түрлерінен рейтингтік турнирдің үшінші күні қазақстандық 2 балуан қола медальға ие болды. Бұл туралы Қазақстан күрес түрлері федерациясының баспасөз қызметінде мәлім етті, деп хабарлайды ҚазАқпарат тілшісі.
Қазақстан күрес түрлері федерациясының баспасөз хатшысы Асфандияр Есенжолов хабарлағандай, Ибраһим Мұстафа жүлдесіне арналған халықаралық турнирдің үшінші күні қазақстандық екі балуан, атап айтқанда, грек-рим күресінен 125 келі салмақта Юсуп Батырмурзаев пен әйелдер күресінен 55 келіде Марина Седнева қола медальға ие болды.
Бүгін, яғни жарыстың соңғы күні балуандарымыз еркін күрестен сынға түседі.
Еске салайық, Египетте өтіп турнирде бұған дейін қазақстандық балуандар он медальға ие болды.
Сондай-ақ биыл сәуір айында Астанада ересектер арасында күрес түрлерінен Азия чемпионаты өтетінін хабарлағанбыз.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.