АСТАНА. KAZINFORM – Бүгін Екібастұз қаласында магистральдық және квартал ішіндегі жылу желілеріне гидравликалық сынақтар жүргізілген. Олардың беріктігі мен тығыздығы тексеріліп, салдарынан көшелердің бірінде «субұрқақ» атқылай бастаған.
Куәгерлер мұны видеоға түсіріп, әлеуметтік желіге таратқан.
Қала әкімдігінің баспасөз қызметі бұл мәселеге қатысты түсініктеме берді.
«426 диаметрлі жылу желісі зақымданды. Қазіргі уақытта қалпына келтіру жұмыстары жүргізіліп жатыр», - деді Екібастұз жылу желілері» кәсіпорнының директоры Евгений Банченко.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)