«20-24 ақпан аралығында Екібастұз қаласындағы мектептер, колледждер мен қосымша білім беру ұйымдарының оқушылары қашықтықтан оқуды жалғастырады. Балабақшалар кезекші топтар режимінде жұмыс істейтін болады», - делінген білім бөлімінің Іnstagram парақшасында жарияланған хабарламада.
«Екібастұзжылуэнерго» ЖШС дерегінше, білім беру ұйымдары ғимараттарындағы жылу температурасын қалыпты жағдайға жеткізу үшін уақыт керек. Температуралық режим тұрақты деңгейге жеткен кезде оқушылар мен колледж студенттері білім ордаларына барып оқиды.
Еске салайық, кеше Екібастұздағы жылу электр орталығында желілік су құбыры зақымдалып, нысандарға жылу беру азайтылған еді.