«Ішкі істер министрлігі атыс қаруын қолдану арқылы жасалатын қылмыстардың алдын алу мақсатында жыл сайын халықтан заңсыз сақталан атыс қаруларын, оқ-дәрілер мен жарылыс заттарын сатып алу акциясын жүргізеді. Биыл бұл мақсатқа республикалық бюджеттен 88,7 млн теңге бөлінді. Бүгінге дейін азаматтар полицияға 1 320 қару, 9 мың данадан астам оқ-дәрі тапсырды», - деді ол ведомствоның баспасөз алаңында өткен брифингте.
Оның дерегінше, бөлінген қаражаттың игерілуіне байланысты Ақтөбе, Жамбыл, Қызылорда және Түркістан облыстарынан басқа өңірлерде акция тоқтатылды.
«Ішкі істер министрлігі халықтан қару-жарақ сатып алу іс-шарасын 2008 жылдан бері жүргізіп келеді. Осы уақыттың аралығында азаматтар ерікті тұрде 54 мыңнан астам атыс қаруын, 2 млн-нан астам оқ-дәрі тапсырды. Соңғы 5 жылда атыс қаруын қолдану арқылы жасалатын қылмыстардың 50 пайызға қысқаруы қабылданған іс-шараның тиімділігін көрсетеді», - деді Шұғыла Тұрлыбек.
Фото: sosnovosti.ru