АСТАНА. KAZINFORM – Қазақстанның бірінші, әлемнің 7-ракеткасы Елена Рыбакина мен хорватиялық бапкер Горан Иванишевич арасындағы келісімшарт аяқталды.
Championat.com сайтынан алынған мәліметке қарағанда, бұл туралы Иванишевич әлеуметтік желідегі парақшасында хабарлаған.
- Australian Open аяқталғаннан кейін біздің сынақ мерзіміміз бітті. Елена мен оның командасына болашақта табыс тілеймін, - деп жазды хорват.
Рыбакина өткен жылы тағы бір хорватиялық маман Стефано Вуковпен қош айтысып, кейін Горан Иванишевич бапкері болған еді.
Жыл басында Елена Вуковты командасына қайта қосты. Бірақ Стефаноны WTA қызметінен шеттетіп тастады.
Биылғы Аустралия ашық чемпионатының төртінші айналымына дейін жеткен қазақстандық теннисші алдағы уақытта Әбу-Даби, Доха және Дубай турнирлеріне қатысатынын мәлімдеді.
Еске сала кетейік, бұдан бұрын Горан Иванишевич Елена Рыбакинаның бапкері болғанын жазған едік.
Рыбакина командасына бұрынғы бапкері Стефано Вуковты қайта қосты.
Аустралия чемпионатында Елена Рыбакина ширек финалдан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).