Елена Рыбакина эйс саны жөнінен екінші жыл қатарынан үздік шықты

АСТАНА. KAZINFORM — Қазақстанның және әлемнің 1-ракеткасы Елена Рыбакина биылғы маусымда 68 матчта 438 эйске қол жеткізді. Осылайша, қазақстандық теннисші әлемде екінші жыл қатарынан эйс саны жөнінен үздік шықты.

Фото: ҚТФ

Бұл эйс ханшайымы атанған Еленаның допты ойынға қосуы оның ең басты қаруларының бірі екендігін тағы бір дәлелдейді. Бұдан бөлек, Е.Рыбакина доп берген сәтте ең көп ұпай алған ойыншы атанды, яғни 64,3 пайызын өз есебіне жазды.

Қазақстандық теннисшінің доп берудегі артықшылығы матчтардағы ең шешуші сәттерде айқын көрінді. Биыл Елена чемпион атанған төрт титулды бәсекенің үшеуінде қарсыластары оның добын қабылдай алмады. Екі матч эйспен аяқталса, тағы біреуінде допты ойынға қосқан сәтінде чемпиондық ұпайды жеңіп алды. 

Еске сала кетейік, бұдан бұрын Жібек Құламбаеваның жұптық сындағы жеңіс сериясы Чилиде жалғасқанын жазған едік.