ОРАЛ. KAZINFORM — Қазақстанның бірінші, әлемнің 5-ракеткасы Елена Рыбакина World Tennis Continental Cup көрме турниріне қатысу үшін Қытайға барды.
Қазақстандық теннисшіні жанкүйерлер әуежайдан ыстық ықыласпен күтіп алды.
Әлеуметтік желіде жарияланған кадрларда теннисшінің Қазақстан Республикасы азаматшасының көк төлқұжатын ұстап тұрғаны анық көрінеді. Бұдан бұрын Ресей теннис федерациясының президенті Шамиль Тарпищев Е.Рыбакинаның Мәскеуде тұратыны, оның Ресей азаматы екендігі, тек спортшы ретінде Қазақстан атынан шығатыны туралы мәлімдеген болатын.
Е.Рыбакина Шэньчжэнь қаласында 26-28 желтоқсан аралығында Құрлықтық әлем кубогында бақ сынайды.
Қазақстандық спортшы 26 желтоқсан күні әлемнің 2-ракеткасы, Польша өкілі Ига Швентекпен кездеседі. 28 желтоқсанда швейцариялық, Токио Олимпиадасының чемпионы Белинда Бенчичпен кортқа шығады. Сондай-ақ ресейлік Андрей Рублевпен бірге Ига Швентек – монаколық Валентен Вашеромен шеберлік байқасады.
Еске сала кетейік, бұдан бұрын 14 жастағы Ахмади Мақановтың Еуропада үздік ойыншы атанғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).